گوندی هەرمۆتە
بە بڕی 120 هەزار دۆلار
رێکخراوی فاو پاڵپشتی جوتیارانی گوندی هەرمۆتە دەكات
964+
محەمەد فاتیح
لە چوارچێوەی کارنامەی بایەخدانی زیاتر بە ئاسایشی خۆراک و سێکتەری کشتوکاڵ لە سەر ئاستی هەرێمی کوردستان، رێکخراوی فاو پاڵپشتی جوتیاران و هاوڵاتیيانی گوندی هەرمۆتە دەكات لە قەزای کۆیە.
بێگەرد تاڵەبانی وەزیری کشتوکاڵ و سەرچاوەکانی ئاوى هەرێمی کوردستان دەڵێت، “بە خۆشحاڵیەوە لە میانی بەرێوەچوونی کۆبونەوەیەکی تایبەتی ئۆنڵاین لە لایەن رێکخراوی فاو ، بڕیاردرا بە تەمویلی دارایی بە بڕی 120 هەزار دۆلار بۆ پاڵپشتی جوتیاران و هاوڵاتیانی گوندی هەرمۆتە لە قەزای کۆیە”.
وتیشی، “ئەو بڕە پارەیە تەرخان كراوە بۆ نۆژەنکردنەوە و پەرەپێدان و زیادکردنی باخی زەیتون و بەپیشەسازیکردن و پاکێجین و بازاڕسازی بەرهەمهێنانی زەیتون و زەیتی زەیتون و دانانی سیستەمێکی ئاودێری مۆدێرن و راهێنان و شیاندنی تواناکانی جوتیارانی بواری بەرهەمهێنانی زەیتون لە ناوچەکە”.
“ئەنجامجدانی ئەم پڕۆژەیە نمونەیەکی ئەزموونیە بۆ رەخساندنی هەڵیکار و بوژانەوەی گوندەکان و پەرەپێدانی زنجیرەی بەهای زەیتون و بەروبوومەکانی سێکتەری باخداری ” بێگەرد تاڵەبانی واى وت.