پێدەچێت درۆن بێت
دەنگى تەقینەوەیەکى بەهێز لە کەرکوک بیسترا
964+
کاروان ساڵحى- کەرکوک
کەمێک لەمەوبەر دەنگى تەقینەوەیەک لە کەرکوک بیسترا.
سەرچاوەیەک لە پۆلیسى کەرکوک بە 964ـى وت،” کەمێک لەمەوربەر دەنگێکى گەورە لە سنوورى فڕۆکەخانەى کەرکوک بیسترا”.
دەشڵێت: تاکو ئێستا یەکلایى نەبوینەتەوە موشەکە یان درۆن، بەڵام ئەوە دەزانین لە سنوورى گەڕەکى بەدر کەوتووەتە خوارەوە.
بەوتەى سەرچاوەکە، پێدەچێت مەبەستیان ئەوە بووبێت ئاراستەى فڕۆکەخانەى بکەن، بەڵام نەگەیشتووە و لەو گەڕەکە کەوتووەتە خوارەوە.
نوێکردنەوە لە کاتژمێر 9:45
سەرچاوەیەک لە حەشدى شەعبى بە 964ـى وت،”دەنگە بەهێزەکە کەوتنەخوارەوەى درۆنێک بووە لە نزیک بارەگایەکى حەشدى شەعبى لە گەڕەکى بەدر”.
جەختیشى کردووەتەوە کە هیچ زیانێکى گیانى نەبووە.
پێداچوونەوە: وریا فەتاح
