"شۆفێری ئۆتۆمبێلەکە مۆڵەتی نییە"
لەسەر پاسکیلەکەی ئۆتۆمبێل لێیدا و گیانی لەدەست دا
964+
میلاد جەلال – گەرمیان
لە گەڕەکی ھەواری نوێ لە قەزای کفری ئۆتۆمبێلێک لە پاسکیلسوارێکی دا و گیانی لەدەست دا، شۆفێری ئۆتۆمبێلەکە مۆڵەتی نییە و دەستگیر کراوە.
سامان عەلی، وتەبێژی ھاتوچۆی گەرمیان بە 964ى وت،”ئێوارەی ئەمڕۆ دووشەممە 30.6.2025 ئۆتۆمبێلێکی جۆری ئێم جی لە گەڕەکی ھەواری نوێی قەزای کفری، لە پاسکیلسوارێکی داوە و بە سەختی برینداری کردووە، دواتر بەهۆی سەختی برینەکەی گیانی لەدەستداوە”.
“ئەو پیاوەی گیانی لەدەستداوە تەمەنی 61 ساڵە، شۆفێری ئۆتۆمبێلەکەش تەمەنی 18 ساڵە و مۆڵەتی شۆفێری نییە”، سامان عەلی وای وت.
ئاماژەی بەوەشکرد، شۆفێری ئۆتۆمبێلەکە دەستگیرکراوە، تەرمی پیاوەکەش لە پزیشکی دادی کەلارە.
پێداچوونەوە؛ شۆڕش قادری
لە رێگای کەلار بۆ کفری رووداوێکی هاتوچۆ ژیانی لە کەسێک سەندەوە
