لە پۆدکاستی لەشساغی ئەمجارە
سوودەکانی خوێنبەخشین و گرنگیی خۆراکی دەوڵەمەند بە ئاسن و ڤیتامینەکان
964+
جێگر مەحمود
ئەڵقەی ئەمجارەی پۆدکاستی “لەشساغی” سەبارەت بە پاراستنی تەندروستیی خوێنە.
بۆ ئەم مەبەستەش لەم ئەڵقەیەدا میوانداری دکتۆر هاوار خۆشناو پسپۆڕی نەخۆشییەکانی خوێن کراوە، بۆ قسە کردن و تیشک خستنەسەر چەند خاڵێکی گرنگ بۆ پاراستنی تەندروستیی خوێن
لە میانەی پۆدکاستەکەدا د. هاوار جەختی لەوە کردەوە کە کەمخوێنی بەهۆی کەمی ئاسن و ڤیتامینەکانەوە دروست دەبێت، بەڵام دیاریکردنی نیشانەکانی کەمخوێنی تەنیا بە زەردی رووخسار نابێت و پێویستە پشکنین ئەنجام بدرێت.
باسی لە سوودەکانی خوێنبەخشین و گرنگیی خۆراکی دەوڵەمەند بە ئاسن و ڤیتامینەکانیش کرد
وتیشی، بۆ خۆپاراستن لە نەخۆشییە بۆماوەییەکانی وەک تالاسیمیا پشکنینی پێش هاوسەرگیری چارەسەرێکی سەرەکییە و هۆشداریشی دا لەبارەی مەترسییەکانی جگەرەکێشان و قەڵەویدا کە دەبنە هۆی خەستبوونەوەی خوێن (خوێنمەین) و نیشانەکانی شێرپەنجەی خوێنی وەک ماندوویەتی و دابەزینی کێشی روونکردەوە.
چەند تێگەیشتنێکی باویشی راستکردەوە، کە لەناو خەڵکدا باون، وەک ئەوەی دەوترێت، دەرکەوتنی پەڵەی شین و مۆر پێویستی بە پشکنینە، ئاماژەی بەوەشدا کە خوێن پیسبوون، یان خوێن خەستبوون لەوانەیە نیشانەی نەخۆشی بێت، هیچ بنەمایەکی پزیشکییان نییە.
