ژمارەیەک گەنجی کاسبکار لە کفری دەستگیر کران 

964+

میلاد جەلال – گەرمیان

زانیاری نوێ لەسەر ئەم هەواڵە کاتژمێر 11:35 خولەک:

سەرجەم ئەو گەنجانەی بەهۆی خۆپیشاندانەوە لە کفری دەستگیر کرابوون ئازاد کران.

زانیاری پێشوو:

ژمارەیەک گەنجی کاسبکار ئەمشەو لە قەزای کفری بەتەمای خۆپیشاندان بوون بەڵام ئاسایش رێگری لێکردوون و بەشێکیانی دەستگیر کردووە.

سا‌هیر عەلی قایمقامی قەزای کفری بە 964ـی وت، ژمارەیەک گەنج گردبوونەتەوە و ویستوویانە خۆپیشاندان بکەن و تایە بسوتێنن، بەڵام ئاسایش رێگەی نەداون و ئەوانیش سووربوون لەسەر ئەوەی ئەو کارە بکەن.

وتیشی، لەبەر ئەوە ئاسایش هەستاوە بە دستگیر کردنی بەشێکیان و ئەوان قسەیان لەگەڵ ئاسایش کردووە کە هەر ئەمشەو ئازاد دەکرێن.

قایمقامی کفری ئاماژەی بەوەکرد، ئەو گەنجانە کاسبکارن گوایە بەهۆی خراپی گوزەرانی خەڵک و نەمانی ئیشوکاری ئەونەوە ویستوویانە خۆپیشاندان ئەنجام بدەن.

پێداچوونەوە: توانا نەقی

رێگە بە هیچ خۆپیشاندان و گردبوونەوەیەک نەدرا