خانمە دەست رەنگینەکە
“برمەکەى من بەرى دڵ ناگرێت”
964+
دیلان محەمەد -سلێمانی
هەمیشە دەوترێت شیرینى بۆ تەندروستى خراپە، بەڵام خانمێکى دەستڕەنگین لە سلێمانى بە جۆرێک کولیچە و برمە و شیرینى دروستدەکات وەکخۆى دەڵێت، بەرى دڵ ناگرێت.
دەریا سالار، شیرینى فرۆش کە هەر خۆى دروستیان دەکات، قسەى بۆ 964 کرد و دەڵیت: کولیچە و شیرینییەکانم لە ئاردى جۆ و چەند پێکهاتەیەکى تر بەشێوەیەکى کوردەوارى دروستدەکەم و رەچاوى ئەوەم کردووە کە زیانى نەبێت بۆ ئەو کەسانەى نەخۆشى شەکرەیان هەیە.
وەک باسى دەکات، شیرینییەکەى ئەو جیاوازە لە شیرینییەکانى تر و بەرى دڵ ناگرێت، وتیشى،”لە ئیشەکەى خۆم رازیم، هەربۆیە کاتێک کڕیارێک دێت دەڵێم تێستى بکە، چونکە دەزانم دواى تێستکردن دەیکڕێت”.
پێداچوونەوە: وریا فەتاح
