“دڵنیابن ناوچەکە ئارامە و هیچ مەترسییەک نییە”

ئەمەل ناجی – خورماڵ

دوای کەوتنەوەی ئاگرێک لە بناری سورێن و درووستبوونی دەنگۆی کەوتنی درۆن، دەزگای ئاسایشی هەرێم روونکردنەوەیدا و دەڵێت، ئاگرەکە بەهۆی شۆرتی کارەباوە بووە و هیچ درۆنێک نەکەوتووەتە خوارەوە.

ئەمەل ناجی پەیامنێری 964 لە هەڵەبجە هەر زوو گەیشتە گوندی نەوێ و قسەی لەگەڵ خەڵکی گوندەکە کرد ئەوان باسیان لەوە کرد، “پێدەچێت هۆکاری ئاگرەکە شۆرتی کارەبا بووبێت”

باسیان لەوەشکرد، ئەمە جاری یەکەم نییە و ساڵانی رابردووش بەهۆی شۆرتی کارەباوە، ئاگر لە ناوچەکە کەوتووەتەوە.”

لە روونکردنەوەکەیدا دەزگای ئاسایشی هەرێمیش ئاماژەی بەوەداوە، هۆکاری ئاگرەکە شۆرتی کارەبا بووە، و ئاگر کەوتۆتەوە و چەند مینێکی سەردەمی شەڕ تەویوەتەوە و هۆکاری دەنگەکە ئەوە بووە.

دەشڵێت، “لەگەڵ ئاگادارکردنەوەیاندا تیمەکانمان بە هەماهەنگی ئاسایش و بەرگری شارستانی گەیشتوونەتە شوێنی رووداوەکە و لێکۆڵینەوەیان دەستپێکردووە.”

دەزگای ئاسایشی هەرێم، خەڵکی ناوچەکەشی دڵنیا کردووەتەوە کە ناوچەکە ئارامە و هیچ مەترسیەک بوونی نییە.

ئاگرەکە ئێستا لەلایەن خەڵکی ناوچەکەوە کۆنترۆڵکراوە و هیچ زیانێکی گیانی نەبووە.

پێداچوونەوە: ژێوار خدر