فڕۆکەیەکی بێ فڕۆکەوان _ وێنە: AP
وەڵام نەگەیشتووە بە ئامانجەکە
فڕۆکە بێفڕۆکەوانەکانی ئێران لە ئاسمانی سوریا رێگری لێ کراوە
964+
ئەحمەد مستەفا
میدیاکانی ئێران بڵاویانکردەوە، سوپای وڵاتەكەی بە ئۆپراسیۆنی “بەڵێنی راستگۆی 3” دەستی بە وەڵامدانەوەی ئۆپراسیۆنە سەربازییەكەی ئیسرائیل كردووە.
بە گوێرەی میدیاکانی ئێران، سوپای ئێران نزیکەی 800 فڕۆکەی بێفڕۆکەوان و موشەکی کروزى بەرەو ئیسرائیل هەڵداوە.
هاوكات، سوپای ئیسرائیل رایگەیاند، ئێران نزیکەی 100 فڕۆکەی بێفڕۆکەوانی بەرەو ئیسرائیل هەڵداوە، هێزەکانی کاردەکەن بۆ رێگریکردن و خستنەخوارەوەیان، ئەوەش دوای شەپۆلێکی بێ وێنەی هێرشی ئیسرائیل دێت بۆ سەر خاکی ئێران.
ئاڤی دیڤرین، وتەبێژی سوپای ئیسرائیل لە لێدوانێکی رۆژنامەوانیدا وتی: ئێران نزیکەی 100 فڕۆکەی بێفڕۆکەوانی بەرەو خاکی ئیسرائیل هەڵداوە و کاردەکەن بۆ رێگریکردنیان.
میدیاکانی ئیسرائیل ئەوەشیان راگەیاندووە: سوپای ئیسرائیل رێگری لە موشەکەکانی ئێران کردووە لە ئاسمانی سوریا.
