لە سۆران
لەسەر فرۆشتنی ڤەیپ سێ شوێن داخران یەکێکیان دوکانی ئەکسێسواراتی خانمانە
964+
ژێوار خدر
تیمەکانی چاودێریی بازاڕی سۆران لە هەڵمەتێکی پشکنیندا سێ شوێنیان لەسەر فرۆشتنی ڤەیپ داخستووە کە یەکێکیان بابەتی جوانکاری و ئەکسێسواراتی خانمانە.
لیژنەکانی چاودێری و پشکنینی دیانا رایانگەیاند، شەوی رابردوو هەڵمەتێکیان کردووە لەناو بازاڕی سۆران و لە هەڵمەتەکەدا سێ شوێنیان داخستووە کە ڤەیپیان فرۆشتووە و بەپێی ئەو وێنانەی لیژنەکە بڵاویکردوونەتەوە دەردەکەوێت یەکێک لەو شوێنانە دوکانی ئەکسێسواراتی خانمانە.
دەشڵێت، یەکێك لە شوێنەکان هەفتەی رابردوو لەسەر هەمان مەبەست سزادراوە و پێبژاردنی بۆ کراوە.
ئەو شوێنانەی داخراون بەپێی راگەیاندراوەکە پێکهاتوون لە؛ شوینی عەلی و رێکان کریستاڵ لە حەریق و شوێنی رێبین لە سەر رێگای جوندیان نزیک فلکەی پێشمەرگە
باسی لەوەش کردووە، لیژنەکان بەردەوام لە ئەرکدان بۆ پاراستنی تەندروستی هاوڵاتیان و داواشیان لە هاوڵاتیان کردووە لە کاتی هەبوونی هەر سەرپێچییەک لە سنووری ئیدارەی سەربەخۆی سۆران، پەیوەندی بکەن بە لیژنەکانیانەوە لە رێگەی ئەم ژمارە تەلەفۆنانەوە:
07502125544 قەزاى ناوەندى سۆران سۆران
07509683135 ناحیەى دیانا
07518946162 قەزای خەلیفان
