داهاتی نانەوتی ئهم هەفتەیهى سلێمانى و هەڵەبجە زیاتر لە 16 ملیار دینارە
بەراورد بە هەفتەی پێشوو زۆر دابەزیوە؛ جیاوازییەکی بزانە
داهاتی ئهم هەفتەیهى سلێمانى و هەڵەبجە زیاتر لە 16 ملیار دینارە
964+
شۆڕش قادری
داهاتی نانەوتی ئهم هەفتەیهى هەردوو پارێزگای سلێمانى و هەڵەبجە زیاتر لە 16 ملیار و 20 ملیۆن دینارە و بەراورد بە هەفتەی پێشوو زیاتر لە هەشت ملیار دینار کەمیکردووە.
بەپێی نوێترین داتای ماڵپەڕی شەفافیەت، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 24.5.2025 تا ئەمڕۆ هەینی 30.5.2025، بڕی 16 ملیار و 20 ملیۆن و 668 هەزار و 471 دینارە، لەکاتێدا هەفتەی پێشوو، بڕی 24 ملیار و 345 ملیۆن و 36 هەزار و 387 دینار بوو.
وەک ماڵپەڕەکە ئاشکرایکردووە، لە داهاتی ئەم هەفتەیەی پارێزگاکانی سلێمانی و هەڵەبجە، بڕی 15 ملیار و 43 ملیۆن و 498 هەزار و 721 دیناری بە شێوەی نەختینە، 972 ملیۆن و 673 هەزار و 500 دیناری چەک و چوار ملیۆن و 496 هەزار و 250 دیناریشی مقاسە.
ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.
ئەو بڕە داهاتە لەمانە بەدەستهاتوون: دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان.
ماڵپەڕی شەفافیەت: داهاتی نانەوتيی سلێمانی 154 ملیار دینار کەمی کردووە
