سبەینێ شەقامێکی سەرەکی سلێمانی دادەخرێت

توانا نەقی

بەهۆی کارکردن لە رێگای هەواری شاری سلێمانی سبەینێ هەردوو ئاراستەی شەقامەکە بەرووی شۆفێراندا دادەخرێت و بەربەست دەکرێت.

سەرۆکایەتی شارەوانی سلێمانی بڵاویکردەوەم لە سبەینێ چوارشەممە 28.5.2025ـەوە شەقامی سەرەکی هەواری شار بە هەردوو ئاڕاستەی رۆیشتن و هاتن بەرە و پارکی هەواری شار و یەکتربڕی کۆبانێ بەربەست دەکرێت.

دەشڵێت، بەربەستەکە بەمەبەستی قیرتاوکردنی چینی کۆتایی شەقامەکان لە سنووری  پڕۆژەکەدا لە چوارچێوەی کارەکانی پڕۆژەی فراوانکردنی شەقامی هەواری شار و ئەندەرپاسی ناسراو بە والی کە لەسەر شەقامی سەرەکی هەواری شار جێبەجێ دەکرێت.

شارەوانی ئاماژەی بەوەشکردووە، داوا لە هاوڵاتیان و شۆفێران دەکەن کە شەقامە خزمەتگوزاریەکان وەک شەقامی جێگرەوە بەکاربهێن.