رووباری سیروان لە گەرمیان - social media
پەنجا ساڵە بەروبوومی کشتوکاڵی لەسەر زەوییەکان دەکەن
50 جوتیاری گەرمیان چاوەڕێی بڕیارێکی تایبەتن
964+
پێشەوا محەمەد
بەهۆی ئەوەی زەوییە کشتوکاڵییەکانیان بەر پڕۆژەیەکی وەبەرهێنان دەکەوێت، پەنجا جوتیار چاوەڕوانن ئیدارەی گەرمیان قەرەبوویان بکاتەوە.
پڕۆژەیەکی گەشتیاری، بازرگانی و نیشتەجێبوون لەسەر رووباری سیروان لە گەرمیان دروستدەکرێت و 120 دۆنم زەوی پەنجا جوتیاری شاری کەلار بەر پڕۆژەکە دەکەون، بەڵام لەبەر ئەوەی گرێبەستیان لەگەڵ کشتوکاڵی گەرمیان نییە پێیانوتراوە قەرەبوو نایانگرێتەوە.
شادییە حوسێن، بەڕێوەبەری کشتوکاڵی گەرمیان بە تۆڕی964ی وت، بەپێی بڕیاری ئەنجومەنی وەزیرانی هەرێم هەر زەوییەک ئەگەر تاپۆی نەبوو، بەبەر پڕۆژەی وەبەرهێنان بکەوێت ئەوا قەرەبوو نایگرێتەوە.
“بەڵام ئەو جوتیارانە زیاتر لە پەنجا ساڵە کشتوکاڵ لەسەر ئەو زەویانە دەکەن و بژێوییان لەسەریەتی، بۆیە چاوەڕێی کۆبوونەوەی ئیدارەی گەرمیانین بۆ ئەوەی بڕیارێکی تایبەتیان بۆ بدرێت”، شادییە حسێن وای وت.