"زیاتر بۆ گەورە ساڵانن"
لە باخچەکانی پێنجوێن یاری وەرزشی دانرا
964+
کامیار کەمال- پێنجوێن
شارەوانی پێنجوێن لە سێ باخچەی قەزاکە، سێتی یاری وەرزشی داناوە و کارەکانی تەواوکردووە و هاوڵاتیان دەتوانن سودی لێوەربگرن.
رەوف رەشید، سەرۆکی شارەوانی پێنجوێن بە 964ی راگەیاند، لە باخچەکانی لازۆ و کۆبانێ و مامۆستایان هەر یەکەیان سێتێکی ئامێری وەرزشی داندراوە.
وتیشی، ژمارەی یارییە وەرزشییەکان نۆ دانە بووە واتە سێ سێت و هەر باخچەیەک سێ یاری واتا یەک سێتی تێدا داندراوە.
باسی لەوەشکرد، ئەو یارییە وەرزشیانە زیاتر بۆ گەورە ساڵانن بەڵام وەک گونجان، لە سەروو هەشت ساڵەوە دەتوانێت یارییە وەرزشییەکان بەکاربهێنن و هیچ کێشەیەکی نییە.
سەرۆکی شارەوانی پێنجوێن ئەوەشی خستەروو، کە دەیانەوێت زیاتر گرنگی بدەن بە لایەنی وەرزشی و تەندروستی هاوشاریانی پێنجوێن و هیوادارن هاوڵاتیان پارێزگاری لێبکەن و سوودی لێوەربگرن.
ژمارەی باخچەکانی سنوری شارەوانی پێنجوێن پێنج دانەن.
پێداچوونەوە: هاوبەش
لە گورگەدەر باخچەیەک بۆ پیرەمێری شاعیر دروستکرا
