جموجۆڵی دیبلۆماسی لەمسەر بۆ ئەوسەری دنیا
سەرۆکی هەرێم لە تارانە و سەرۆکی حکومەت لە ئەمریکا.. چی دەگوزەرێت؟
964+
ژووری هەواڵ
لە یەک رۆژدا بەرپرسانی هەرێم جموجۆڵێکی دیبلۆماسی دوو سەرەیان دەست پێکرد لەمپەڕ بۆ ئەوپەڕی دنیا، سەرۆکی هەرێم بۆ ئێرانی دراوسێ و سەرۆکی حکومەت بۆ واشنتن.
سەرۆکایەتی هەرێم ئێوارە رایگەیاند: نێچیرڤان بارزانی سەرۆکی هەرێم بە بانگهێشتی فەرمی گەیشتە تاران، لەوێ مێزگردی دەبێت و لەگەڵ بەرپرسانی وڵاتەکە کۆ دەبێتەوە.
فڕۆکەکەی سەرۆکی هەرێم هەر لە بەغداوەو چووە تاران دوای ئەوەی بۆ بەشداری لوتکەی عەرەبی چووبووە بەغدا.
کەمێک لەمەوبەر فەرمانگەی میدیاو زانیاری رایگەیاند: مەسرور بارزانی سەرۆکی حکومەت بە سەردانێکی فەرمی گەیشتە واشنتن و زنجیرەیەک دیدارو کۆبوونەوەی لەگەڵ بەرپرسانی باڵای حکومەت و کۆنگرێسی ئەمریکا دەبێت.
لە ئەجێندای سەرۆکی حکومەت چەند کارێک هەیە: کۆبوونەوە لەگەڵ خاوەنکار و وەبەرهێنانی ئەمریکی، پەرەپێدانی هاوبەشی ستراتیژی هەرێم و ئەمریکا.
دوای ئەمانەش سەرۆکی حکومەت بەشداریی لە گفتوگۆیەکی تایبەتی کۆڕبەندی وزە لە واشنتن دەکات بە ناونیشانی ”داهاتووی وزە لە هەرێمی کوردستان”.
