لە مانگێکدا ڤێتێرنەری راپەڕین زیاتر لە 180 هەزار سەر ئاژەڵی شۆردووە

964+

ژووری هەواڵ

لە ماوەی یەک مانگدا لە سنووری ئیدارەی راپەڕین، زیاتر لە 180 هەزار سەر مەڕ و بزن، بە مەبەستی رووبەڕووبوونەوەی تای خوێنبەربوون، شۆردراون.

ئەمڕۆ شەممە 17.5.2025، د. موحسین عەبدوڵا، جێگری بەڕێوەبەری ڤێتێرنەری راپەڕین بە 964ـی راگەیاند، لە مانگی رابردووەوە دەستکراوە بەهەڵمەتی قەڵاچۆکردنی گەنە و مێروەکانی تر بەسەر ئاژەڵەکان و هۆڵی بەخێوکردنی ئاژەڵان، بەمەبەستی رێگریکردن لە سەرهەڵدانی نەخۆشی تای خوێنبەربوون.

• ئاماری شۆردن و کوتانی ئاژەڵان لە حاجیاوا، رانیە، سەنگەسەر ، ژاراوە و قەڵادزێ لە 13.4.2025 تاوەکو 15.5.2025 بەم جۆرە بووە:

• 114 هەزار و 400 سەر مەڕ شۆردراون

• 68 هەزار و 850 سەر بزن شۆردراون

• پێنج هەزار و 720 رەشەوڵاخ کوتراون

• دوو هەزار و 530 هۆڵی بەخێوکردنی ئاژەڵ رشێندراون

• سێ هەزار و 488 لیتر درمان بۆ شۆردنی ئاژەڵ و رشاندنی هۆڵەکان بەکارهاتووە

• 416 بتڵ دەرمان بۆ کوتانی رەشەوڵاخ بەکارهاتووە

تاوەکو ئێستا هیچ حاڵەتێکی تووشبوون بە تای خوێنبەربوون لە ئیدارەی راپەڕین تۆمارنەکراوە و بەڕێوەبەرایەتی ڤێتێرنەری داوا لە هاوڵاتیان دەکات، “هیچ ترس و دڵەڕاوکێیان لا دروست نەبێت بۆ ئەو نەخۆشیە، بەڵام خۆپارێزی تەواو پەیڕەو بکەن و هاوکار و هەماهەنگ بن لەگەڵ تیمەکانی ڤێتێرنەری”.

ژنێک بە تای خوێنبەربوون گیانی لەدەست دا