ترێندی هەفتەی 964
لە هەرلایەک ئاوازێکە، مردن و پرسە و شیعر و گۆرانی و موزیک و ئاهەنگێران
964+
پەری ساڵح
ئیسماعیل خورماڵی، دەمێکە دەنگ و رەنگی نییە، بەڵام ئەم هەفتەیە دەرکەوتەوە، پەیامنێری 964 زوو خۆی گەیاندێ و وەڵامەکانیشی ئەوەندە جوان بوو لێی حاڵی نەدەبووی ئاخۆ ئەمانە شیعرن یان قسەی ئاسایی، ئەم هەفتەیە هەڵۆ شێرکۆ بێکەس لە هۆڵێکی هەڵەبجە شیعرێکی بۆ مەرگی وریا حەمە کەریمی رۆژنامەنووس چڕی، بۆن و بەرامەی شیعرەکانی باوکی لێدەهات.
شوانەی خنجیلەو بلیمەت دەستێ جلی کوردی مارۆنی لەبەر کردبوو، پشتێنێکی پانیشی لەسەر بەستبوو، کاتێک مایکی 964بینی کەوتەوە قسە گەورەکانی خۆی و وتی، کاری نوێم سوپرایز دەبێ.
سامان وێنەکانی دانابوو، لەسەری نووسیبوو (بیرۆکەی کۆمەڵێک کۆنسێرت لە کوردستان و ئەوروپا بەڕێوەیە)، هەر جارێک کامەران و سامان بە جیا کۆنسێرتیان کردبێت هۆڵەکان بەرنەکەوتوون، جا چ ئەمجارە پێکەوە بن، بینەری ترێند بن.
