لۆگۆى ئاسایشى شارەزوور
"سوپاس بۆ دڵسۆزیتان"
ئاسایشى شارەزوور بۆ هاوڵاتیان: عەزێت مەکێشن بۆ پیرۆزبایى سەردانمان مەکەن
964+
وریا فەتاح
لەناو کورددا وا باوە، هەرکە بەڕێوەبەرى پۆستێک دەگۆڕێت و کەسێکى نوێ دەچێتە شوێنەکەى، هاوڵاتیان پۆل پۆل تا یەک دوو مانگ دەچنە لاى بەڕێوەبەرى نوێ و پیرۆزبایى لێدەکەن، ئاسایشى شارەزوور کە چەند رۆژێکە بەڕێوەبەرەکەى گۆڕدراوە، دەستپێشخەرى کردووە و داواى لە هاوڵاتیان کردووە بۆ پیرۆزبایى ئەزێت نەکێشن.
لە راگەیەنراوێکدا ئاسایى شارەزوور بڵاوى کردووەتەوە،” هەموولایەک ئاگادارن چەند رۆژێکە خەڵکێکی زۆر لە هاوڵاتیانی خۆشەویست و لایەنی حکومی و حیزبیەکان ئەرک دەکێشن و سەردانی بەڕێوەبەرایەتیمان دەکەن بەمەبەستی پیرۆزبایی دەست بەکار بوو، زۆرسوپاستان دەکەین داواکارین چیدیکە عەزێت و ئەرک نەکێشن
بۆ ئەوەی بەکاروبارەکانماندا رابگەین”.
جا ئەمە یەکەمجار نییە، پێشتریش لە کاتى دەستبەکاربوونى پارێزگارى بەوەکالەتى هەڵەبجە، نوخشە ناسح هەمان داواکارى کردبوو و لە راگەیەنراوێکدا داواى کردبوو،”وێڕای سوپاس و پێزانینمان بۆ ئەوانەی سەردانیان كردین و ئەوانەشی نەهاتوون هەروەكو ئەوەیە هاتبن و ئەوانەشی بە پەیوەندی تەلەفونی پیرۆزباییان لێكردووین سوپاسی هەموتان دەكەین، هەربۆیە لەبەر بەرژەوەندی هەموولایەك و ئەركی ئیداریمان دوابەداوی بەپارێزگابونمان وەكو 19مین پارێزگای عێراق و پێویستی بەدواداچونی مەیدانیمان بۆ كاروبارە ئیدارییەكان، داوا لە هەموولایەكتان دەكەین ئەرك مەكێشن بە هاتنتان بۆ مەبەستی پیرۆزبایی”.
