كوردستان دیبەیت لە هەولێر بەڕێوەدەچێت
وەزیری پەروەردە
پڕۆژەی قوتابخانەی دیجیتاڵی لە هەرێم کەوتە بواری جێبەجێکردنەوە
964+
محەمەد فاتیح
لە چوارچێوەی هەوڵەكان بۆ باشتركردنی كەرتی پەروەردە و فێركردن و دوای نوێكردنەوەی چەندین كتێبی پەروەردەیی، پڕۆژەی قوتابخانەی دیجیتاڵی لە هەرێمی كوردستان كرایەوە و لە دەیان قوتابخانە جێبەجێ دەكرێت.
وەزیری پەروەردەی حکومەتی ھەرێمی کوردستان ئالان حەمە سەعید بڵاویكردەوە، پڕۆژەی قوتابخانەی دیجیتاڵی لە هەرێم كراوەتەوە و لە 63 قوتابخانە کەوتووەتە بواری جێبەجێکردنەوە.
هەر لە درێژەی هەوڵەكان بۆ پێشكەشكردنی باشترین توانای زانستی قوتابیان، رێوڕەسمی کوردستان دیبەیت لە هەولێر بەڕێوەچوو، كه 30 قوتابخانەی حکومی و ناحکومی لە هەرێمی کوردستان دەگرێتەوە، بە مەبەستی پەرەدان بە توانای قوتابیان.
لە ماوەی ئەم مانگەدا وەزیری پەروەردە رایگەیاند، چەندین كتێب گۆڕانكاریان بەسەردا هاتووە و نوێكراونەتەوە كە بریتین لە:
-كتێبی نوێی بیرکاری پۆلی دەیەمی ئامادەیی زانستی، بۆ ساڵی خوێندنی 2025-2026 دەگۆڕدرێت و کتێبێکی نوێ لە ناوەندەکانی خوێندن دەخوێندرێت.
-کتێبی نوێی زانستی پۆلی پێنجەمی بنەڕەتی بۆ ساڵی خوێندنی 2025-2026.
-زانستی پۆلی یەکەم و دووەم و سێیەم و چوارەمی بنەڕەتیمان گۆڕی، بۆ ساڵی نوێی خوێندنیش زانستی پۆلی پێنجەمی بنەڕەتی دەگۆڕدرێت.
-کتێبەکانی بیرکاری، پۆلەکانی یەکەم و دووەم و سێیەمی بنەڕەتی بۆ ساڵی خوێندنی 2025-2026.
-جوگرافیای مرۆیی پۆلی 12ـی ئامادەیی وێژەیی، بۆ ساڵی خوێندنی 2025-2026.
-زمان و ئەدەبی کوردی، پۆلی 7 ـی بنەڕەتی بۆ ساڵی خوێندنی 2025-2026.
-خوێندنی کوردی، پۆلی پێنجەمی بنەڕەتی بۆ ساڵی خوێندنی 2025-2026.
-پەروەردەی هونەری ، پۆلەکانی 1 و 2 و 3 و 4 و 5 و6 ـی بنەڕەتی بۆ ساڵی خوێندنی 2025-2026.
-بیرکاری پۆلی 10ـی ئامادەیی وێژەیی، بۆ ساڵی خوێندنی 2025-2026.
