"پۆلیسی دارستان و ژینگه‌ى لێ نییه"
له‌سه‌ر چیاى شنگال ژماره‌یه‌ك دار به‌ڕووى ته‌ڕ بڕاون
964+
فه‌رهاد حه‌سه‌ن
له‌سه‌ر چیاى شنگال ژماره‌یه‌ك دارى به‌ڕوو بڕاونه‌ته‌وه، تاوه‌كو ئێستا نازاندرێت كێ ئه‌م كاره‌ى كردووه، به‌رپرسی گروپێكی ژینگه‌پارێزیش ده‌ڵێت، لایه‌نى په‌یوه‌ندیدار ئاگادار ده‌كه‌ینه‌وه.
عه‌لى شه‌مۆ، چالاكوان و به‌رپرسى گروپى نووڕەنگ به 964ـى وت، ئاگادارى بڕینه‌وه‌ى ئه‌م دارانه‌ن، به‌ڵام نازانن بكه‌ره‌كه‌ى كێیه.
وتیشی “له سنوورى شنگال پۆلیسی تایبه‌ت به دارستان و ژینگه نییه، ئه‌مه‌ش هۆكارێكه بۆ ئه‌وه‌ى خه‌ڵك به‌ئاسانى دارببڕن”.
دوو جۆر داربڕین له چیاى شنگال هه‌یه وه‌ك ئه‌و به‌رپرسه باسی ده‌كات به‌شێكیان ئه‌و خه‌ڵكه هه‌ژاره‌ن كه دارى وشكی دارستانه‌كان كۆده‌نه‌وه و ده‌بڕن و خه‌ڵوزى لێ دروست ده‌كه‌ن بۆ فرۆشتن، به‌ڵام بڕینى دارى ته‌ڕ كه‌سانى نه‌ناسراون.
ده‌شڵێت، له‌سنوورى شنگال هێزه‌كانى ئاسایشی نیشتمانى هه‌یه و زۆرجاران ئه‌م له‌و سه‌رپێچییه ژینگه‌یانه ئاگادار ده‌كرێنه‌وه، ئه‌وانیش وه‌كو گروپه‌كه‌یان ئه‌م هێزه له داربڕنه ئاگادار ده‌كه‌نه‌وه بۆئه‌وه‌ى رێكارى خۆیان بگرنه‌به‌ر.
به‌فربارین له چیاى شنگال ده‌ستپێكرد و دۆخى ئاواره‌كانیش خراپه
800 خێزانى ئاواره‌ى كه‌مپی سه‌رده‌شت له چیاى شنگال له دۆخێكی خراپدان
