هەڵمەتێكی نەمام چاندن بازیان و تەیناڵى گرتەوە

964+

محەمەد فاتیح

بە مەبەستی ژینگەپارێزی و سەوزکردنى شار و شارۆچكەكانی هەرێمی كوردستان بە سەدان نەمام لە قەزای بازیان و تەیناڵ لە سنووری پارێزگای سلێمانی چێندران.

ژینگەى حەوزى بازیان بەهۆى بوونى ژمارەیەکى زۆر کارگەى پیشەسازی، پێویستییەکى لە رادەبەدەرى بە هەڵمەتى نەمام چاندن و سەوزکردن هەیە لەم چوارچێوەیەدا و لە هەڵمەتێکدا دەستكرا بە چاندنی 150 نەمام بۆ سەوزکردنى سنوورى قەزاى بازیان.

هەر لە بەردەوامی هەڵمەتی نەمام چاندن، چاندنی 350 نەمام لە سنورى شارەوانى تەیناڵ جێبەجێكرا و نەمامەكانیش لە جۆری (سنەوبەرى زاویتە و سەرووى ئەریزۆنیکا)ن.

شارەوانیەكانی هەرێمی كوردستان بەردەوامن لە هەڵمەتی بە سەوزكردن و نەمام چاندن لە هەموو ناوچەكانی هەرێم و ماوەیەكی زۆرە ئەم هەڵمەتە درێژەی هەیە و رۆژ بە رۆژ بەرافراوانتر دەبێت.

سێیەم هەڵمەتی نەمام چاندنیان ئەنجامدا