ئەو منداڵەی لە ناو یاریگای نەورۆز جێمابوو دۆزرایەوە 

964+

توانا نەقی

ئەو منداڵەی باوکی برینداربوو لە ناو یاریگای نەورۆز و لێی ونبوو ئێستا دۆزراوەتەوە و لەلای هاندەرێکی یانەی زاخۆیە و دەڵێت دەیبەنە نەخۆشخانە.

هاندەرەکە لەناو ئۆتۆمبێلێکە و منداڵە هەشت مانگەکەی  لەباوەشە و سەلامەت دیارە.

کۆڤان حەسەن ئەو کوڕەی کە منداڵەکەی لە باوەشە و ڤیدیۆکەی کردووە بە 964ـی وت، “من منداڵەکەم لە ناو یاریگا هەڵگرتەوە وبردم بۆ نەخۆشخانەی شار هەرچەندە سەلامەت بووە و بریندار نەبووە”.

کەمێک پێش ئێستاش دیفاع هەرکی باوکی منداڵەکە بە 964ـی وت، خۆم و منداڵەکە و دایکی لە ناو یاریگا تەماشای یاریمان دەکرد لە پڕ بوو بە شەڕ و برینداربووم و منداڵەکەم دیار نەماوە.