قەڵای هەولێر شۆردرا

ئەرسەلان عەبدوڵا

شارەوانیی هەولێر رایگەیاند لە لایەن تیمەكانیان تەواوی قەڵای هەولێر و دەروازەكانی هاتنەناو شار شۆردران و پاككرانەوە.

سەرۆكایەتیی شارەوانیی هەولێر رایگەیاند، ئەمڕۆ دووشەممە 21.4.2025 بۆ دووەم رۆژی لەسەریەک، بە راسپاردەی سەرۆكی شارەوانی و بە سەرپەرشتی لیژنەکانی بەرێوەبەرایەتیی خزمەتگوزاری و ژینگەپارێزی، لەهەڵمەتێکی فراوان و گشتگیردا دەستکرا بە خاوێنکردنەوە و شووشتنی شەقامە گشتییەکان، بە تایبەت دەروازە سەرەکیەیکانی هاتنەناوەوەی هەولێر و دوورگە ناوەندیەکانیان.

هەروەها ئاماژەیان بەوە كردووە، لە هەڵمەتێکی دیکەدا تیمەکانیان، تەواوی سەر قەڵا و چواردەوری پاککرایەوە و شۆردران، کە

بە توانای هێزی مرۆیی ژینگەپارێزان، هەروەها کارکردن بە ئامێری گسکدانی شەقام و تانکەری ئاو هەڵمەتەکە جێبەجێکرا .

شارەوانیی هەولێر بەوەندەش ناوەستن و رایانگەیاندووە، لە رۆژانی داهاتووشدا ئەم هەڵمەتەیان بەردەوام دەبێت، بۆ ئەوەی شار پاكوخاوێن بكرێتەوە و ژینگەیەكی جوانتر بۆ شارەكە بێننەئاراوە.