بەخشینى دارایى سەرۆکى حکومەت بۆ رزگاربوانى ئێزدى دەستى داعش
زیاتر لە 3 هەزار کەس سوودمەند دەبن
حکومەت بەخشینى دارایى بە رزگاربووانى ئێزدى دەبەخشێت
964+
وریا فەتاح
بەخشینى دارایى سەرۆکى حکومەت بۆ مانگى سێ دەدرێتە ئێزدیانى رزگاربووى دەستى داعش، ناسنامەیەکیشیان پێدەدرێت بۆ ئەوەى لە دامودەزگاکانى حکومەت کارئاسانیان بۆ بکرێت.
فەرمانگەى میدیا و زانیارى حکومەتى هەرێم بڵاوى کردەوە، بەخشینی دارایی مەسرور بارزانی، سەرۆكی حكومەتی هەرێمی كوردستان بەردەوامە و بۆ مانگی سێ دەبەخشرێتە ئێزدییانی رزگاربووی دەستی داعش.
وەک باسى کردووە، لە ۆژی دووشەممەوە بەخشینەکە دەستی پێکردووە کە ناوچەکانی خانکێ و شێخان و شاریا و دێرەبوون و دهۆک دەگرێتەوە.
هاوکات ئەو ئێزدییانە بە فەرمانی سەرۆکى حکومەت بوونەتە خاوەنی ناسنامەیەکی تایبەت، وەکوو بەڵگەنامەیەکی فەرمی بەکار دێت، لە دامودەزگاکانی حکومەتدا دەتوانن بەکاری بهێنن و ئاسانکاریی کاروبار و مامەڵەیان بۆ دەکرێ.
بۆ ماوەی 8 مانگە، 3 هەزار و 575 رزگاربوو بەخشین وەردەگرن
بەخشینی سەرۆكوەزیران بۆ رزگاربوانی دەستی داعش هەموو ئەندامانی خێزانی رزگاربووی گرتووەتەوە و تەنانەت ئەوانەشی لە دەرەوەی وڵاتن هاوكارییەكانیان پێدەگات.
