دیمەنێکی بەهاریی گوندی گوڵان، سەرکەپکان لە ئیدارەی سەربەخۆی راپەڕین – وێنە: فەرمانگەی میدیا و زانیاری هەرێم
لە هەندێک شوێن تاوەباران دەبێت
بارانبارین بەردەوام دەبێت و کەشەکە فێنک دەبێت
964+
شۆڕش قادری
بارانبارینی ناوبەناو لە ناوچەکانی کوردستان بەردەوام دەبێت و لەهەندێک شوێنیش چاوەڕێی تاوەباران بکەن، سبەی کەشەکە بەتەواوی فێنک و بەهاریی دەبێت و سروشتی کوردستان هێندەی تر رازاوەتر و دڵگیر تر دەبێت.
بەپێی پێشبینییەکانی کەشناسی، ئەمڕۆ چوارشەممە 9.4.2025، بە گشتی ئاسمان نیمچە هەور بۆ هەورى تەواو دەبێت لەگەڵ تاوە بارانی پچڕ پچڕ و هەندێک جار هەورە تریشقەشى لەگەڵدا دەبێت، بە تایبەتى لە سنورى پارێزگاى هەولێر و دهۆک.
بۆ سبەی پێنجشەممەش، ئاسمان هەورى تەواو دەبێت لە زۆربەى کاتەکاندا لەگەڵ بارانی پچڕ پچڕ و رێژەى دابارین لە سنوورى پارێزگاى سلێمانى زیاتر دەبێت .
سبەی کەشەکە بەتەواوی فێنک دەبێت و پلەی گەرما چوار بۆ شەش پلەی سیلیزی بەراورد بە تۆمارکراوەکانی ئەمڕۆ زیاتر دادەبەزێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 28 پلەی سیلیزی
سلێمانی: 27 پلەی سیلیزی
دهۆک: 26 پلەی سیلیزی
کەرکوک: 34 پلەی سیلیزی
زاخۆ: 25 پلەی سیلیزی
هەڵەبجە: 28 پلەی سیلیزی
سۆران: 23 پلەی سیلیزی
حاجی ئۆمەران: 18 پلەی سیلیزی
گەرمیان: 35 پلەی سیلیزی
بارانبارین بەردەوام دەبێت و سەنتەری شارەکانیش بێ بەش نابن
بارانبارین لە هەندێک ناوچەی کوردستان دەستپێدەکاتەوە
