ئەمڕۆ 17ـەیەمین پێشانگای نێودەوڵەتی هەولێر بۆ کتێب دەکرێتەوە

شۆڕش قادری

ئەمڕۆ 17ـەیەمین پێشانگای نێودەوڵەتی هەولێر بۆ کتێب دەکرێتەوە و 964ـیش هاوبەشی میدیایی فەرمی پێشانگاکەیە.

کاتژمێر 10ـی بەیانی ئه‌مڕۆ چوارشەممە 9.4.2025، 17ـیەمەین پێشانگای نێودەوڵەتی هەولێر بۆ کتێب له‌ شوێنی پێشانگای نێوده‌وڵه‌تی له‌ پاركی سامی عه‌بدولڕه‌حمان ده‌ستپێدەکات و هاوشێوەی ساڵانی رابردوو تۆری 964 هاوبه‌شی سه‌ره‌كیی میدیایی پێشانگاكه‌یه‌ و له‌ هه‌مان كاتدا سته‌یجی تایبه‌ت به‌ خۆی ده‌بێت و بڕیاره‌ رووماڵێكی به‌رفراوانی كاره‌كانی پێشانگاكه‌كه‌ بكات.

لە پێشانگاکەدا چەندین بۆنەی رۆشنبیری و کۆنسێرت و ئێوارە شیعر بەڕێوەدەچن، جگە لەمەش لەهەر رۆژێکی پێشانگاکەدا چەندین سیمینار و چاوپێکەوتن ئەنجام دەدرێن.

پێشانگاکە بە بەشداری زیاتر لە 200 دەزگای ناوخۆیی و بیانی بە دەیان هەزار ناونیشانەوە بەڕێوەدەچێت و هەموو رۆژێک لە کاتژمێر 10ـی بەیانی تا 8ـی ئێوارە کراوە دەبێت.

پێشانگای نێودەوڵەتی کتێب، پێشانگایەکی ساڵانەیە و دەزگای مەدا ساڵانە ئەنجامی دەدات.