ئێوارانی جەژن گەشتیار زۆر دێن
دوكان توانای پێشوازیكردنی زیاتر لە 200 هەزار گەشتیاری هەیە
+964
دیلان محەمەد جەزا
ئەمڕۆ دووشەممە، دووەم رۆژی جەژنی رەمەزانی پیرۆز، گەشتیاران و هاوڵاتیان روویان لە سەیرانگەی دوکان کردووە، بەڕێوەبەری گەشتوگوزاری قەزاكەش دەڵێت، توانای میوانداریكردنی 200 هەزار گەشتیاریان هەیە.
رێژین رەئوف بەڕێوەبەری گەشتوگوزاری دوکان بە 964 وت، هاتنی گەشتیاران بۆ دوکان بەردەوامی هەیە و لە کاتی ئێوارەدا زیاتر سەردان دەکرێت.
باسی لەوەش کرد، لە سەیرانگەی دوکان 300 کابینەی گەشتیاری هەیە، لە ناو قەزاكەش دوو هۆتێلی پێنج ئەستێرە و چەند مۆتێل و چەند شوقەیەک هەن، کەش و هەوا لەبار بێت توانای لە خۆگرتنی نزیکەی 200 هەزار گەشتیاری هەیە، چونكە خەڵك دەتوانن لەسەر دەریاچە و شوێنە سروشتییەكانیش بمێننەوە.
پێداچوونەوە: ئەرسەلان عەبدوڵا
