دهۆک
کرێکارێک کەوتە خوارەوە و گیانى لەدەستدا
964+
هیڤی دێوالی-دهۆک
کرێکارێکی دانیشتووى باکووری کوردستانە لەکاتی کارکردندا لە یەکێک لە پرۆژەکانى نیشتەجێبوون لە شاری دهۆک کەوتەخوارەوە و گیانى لەدەستدا.
ئەمڕۆ چوارشەممە2025.3.26، لە پرۆژەیەکى نیشتەجێبوونى گەڕەکی KRO ـى دهۆک، کرێکارێکی خەڵکی باکووری کوردستان کە تەمەنى 26 ساڵەـ، لەکاتى کارکردن کەوتەخوارەوە و گیانى لەدەستدا.
وەلات ئۆزمانی، سەرۆکی سەندیکای کارێکاران لقی دهۆک وێڕاى پشتڕاستکردنەوەى هەواڵەکە بە 964ـى وت،” لە ئێستا دا تەرمەکەی لەپزیشکی دادی دهۆکە و پشکنینى بۆ دەکرێن”.
وەک باسى دەکات، کرێکارەکە لە نهۆمى حەوتەمەوە کەوتووەتە خوارەوە.
بەپێى ئامارێکى لقى دهۆکى سەندیکاى کرێکاران، ساڵى 2024 شەش کرێکار و ئەمساڵیش تائێستا دوو کریکار، لە کاتى کارکردن گیانیان لەدەستداوە.
پێداچوونەوە: وریا فەتاح
