تائێستا هیچ راوچییەکى ماسى دەستگیر نەکراوە

964+

وریا فەتاح

هەرچەندە سێ رۆژە قەدەغەى راوەماسى خراوەتە بوارى جێبەجێکردنەوە، بەڵام تا ئەمڕۆ لە سنوورى پۆلیسى دارستان و ژینگەى سلێمانى هیچ راوچییەک دەستگیر نەکراوە.

پۆلیسى دارستان و ژینگەى سلێمانى بڵاوى کردەوە، مەفرەزەیەکی هاوبەشی بەشی پۆلیسی دارستان و ژینگەی شارەزوور و بنکەی زەڕایەن دەرچونێکی مەیدانیان لەناو دەریاچەی دەربەندیخان و لە سنووری هەریەک لە گوندەکانی (قەڵبەزە، بیسەڵمێن، توەقووت، پردی کۆن، گوڵان، پیرمەحمود، شەکر تەپە)، ئەنجامدا و توانیان دەستبگرن بەسەر دوو تۆڕی ماسی گرتن دا لەگەڵ پێنج ماسی قەبارە جیاوازدا .

بەپێى ئەو چالاکییانەى پۆلیسى دارستان و ژینگەى سلێمانى بڵاوى کردووەتەوە، لەماوەى ئەو سێ رۆژەدا هیچ راوچییەک دەستگیر نەکراوە، بەڵام لە سێ چالاکى جیاوازدا دەستگیراوە بەسەر شەش تۆڕ و 17 ماسى و ماتۆڕسکیلێک.

20ـى ئەم مانگە قەدەغەى راوەماسى دەستپێدەکات نەک 10ـى مانگ