چه‌ند دیمهنێك له دابه‌شكردنى سه‌به‌ته‌كانى خۆراك له هه‌ڵه‌بجه... وێنه: سۆشیاڵ میدیاى JCCـى هه‌ڵه‌بجه.
له ماوه‌ى مانگى ره‌مه‌زاندا
سه‌دان خێزانى کەمدەرامەتی هه‌ڵه‌بجه سه‌به‌ته‌ى خۆراكیان پێدراوه
964+
فه‌رهاد حه‌سه‌ن
له‌ماوه‌ى دوو رۆژى رابردوودا سه‌دان خێزانى كه‌مده‌رامه‌ت له سنوورى هه‌ڵه‌بجه سه‌به‌ته‌ى خۆراكیان پێدراوه كه له‌لایه‌ن ده‌زگا و رێكخراوه خێرخوازییه‌كانه‌وه بۆیان دابینكرابوو.
بەڕێوەبەرایەتی کۆچ و کۆچبەران و وەڵامدانەوەی قەیرانەکان له هه‌ڵه‌بجه JCC، كه ئه‌ركی دابه‌شكردنى سه‌به‌ته خۆراكییه‌كانى ئه‌نجامداوه بڵاویكردووه‌ته‌وه، دابه‌شكردنى ئه‌م هاوكاریانه به‌بۆنه‌ى مانگى ره‌مه‌زانه و جگه له سه‌نته‌رى هه‌ڵه‌بجه ناحیه و گونده‌كانى ده‌وربه‌ریشی گرتووه‌ته‌وه.
فریاد نه‌جمه‌دین، به‌ڕێوه‌به‌رى JCC له هه‌ڵه‌بجه به 964ـى وت، له رۆژى 11.3.2025 ـه‌وه ده‌ستیان به دابه‌شكردنه‌كه كردووه تاوه‌كو ئه‌مڕۆش به‌رده‌وامه.
وتیشی “كۆى گشتى ئه‌و سه‌به‌ته خۆراكیانه هه‌زار و 200 سه‌به‌ته‌یه و بۆ خێزانه هه‌ژاره‌كانى ناو سه‌نتره‌ى هه‌ڵه‌بجه و قه‌زاى خورماڵ و ناحیه‌كانى بیاره و به‌مۆ دابین كراوه”.
ئاماژه‌ى به‌وه‌شكرد، دابه‌شكردنى سه‌به‌ته‌كانى ئه‌م دوو رۆژه له‌لایه‌ن رێكخراوى حاجى ئیدریس سورچی و ده‌زگاى روانگه دابین كردووه و چه‌ند رۆژێك پێش ئێستاش رێكخراوى فریاگوزاری ئیسلامی جیهانی له عێراق IRW بەهەماهەنگی بەڕێوەبەرایەتییه‌كان و چاودێری و گەشەپێدانی کۆمەڵایەتی 300 سەبه‌ته‌ی خۆراکیان دابه‌شكردووه.
JCC هه‌ڵه‌بجه دڵخۆشە به‌و پڕۆژانەى کە پاڵپشتى دارایی بۆ كۆكردوونه‌ته‌وه
گروپێكی خۆبه‌خش به پاره و JCC یش به سه‌به‌ته‌ى خۆراك هاوكارى خوێندكارانى زانكۆى هه‌ڵه‌بجه ده‌كه‌ن
500 سه‌به‌ته‌ى خۆراك به‌سه‌ر 500 خێزانى هه‌ژار له هه‌ڵه‌بجه دابه‌شكرا
