964+

توانا نەقی

خشتەی دابەشکردنی موچەی مانگی شوباتی فەرمانبەران و موچەخۆرانی هەرێمی کوردستان بڵاو کرایەوە.

وەزارەتی دارایی هەرێم بڵاویکردەوە، رۆژی پێنجشەممە 13.3.2025 بەخانەنشینی شارستانی دەست بە دابەشکردنی موچەی مانگی دوو دەکرێت و رۆژی سێشەممە 18.3.2025 کۆتایی بەدابەشکردنی موچە دێت.

بە پێی خشتەکەبێتلە ماوەی لە ماوەی شەش رۆژدا تەواوی موچە دابەش دەکرێت و رۆژی هەینی و شەممە پشووە و ماوچە دابەش ناکرێت.

هەر ئەمڕۆ سەرۆکی حکومەتئ هەرێم داوای لە وەزارەتەکان کردووە لیستیەکانیان ئامادە بکەن بۆ ئەوەی بە زوترین کات بینێرنە بەغدا بۆ موچەی مانگی سێ و پێش جەژن دابەش بکرێت.

964+

ئاکام غەفور-سۆران

بەهەزاران ماسی ورد و بچوک لە رووباری مۆتراوەی نزیکی ناحیەی باسرمە مردوون و گومانیش دەکرێت دەرمانخوارد کرابن.

ئیسماعیل خالید، هاوڵاتییەکی ناحیەی باسرمەیە، گرتەڤیدیۆکانی بۆ 964  ناردووە و دەڵێت، ئەمڕۆ بە مەبەستی کردنی کوزەڵە چوومە رووباری مۆتراوە، بینیم بە هەزاران ماسی لە گۆمە بچوکەکانی رووبارەکە کەوتون و مردوون، کە دیمەنەکەم بینی زۆر ئازاریدام و تاوانێکی گەورە بەرامبەر ئەو ماسیانە کراوە بەشی هەرە زۆریان ماسی زۆر بچوکن.

وەک ئەو هاوڵاتییە باسی دەکات، هەر لە لێواری رووبارەکە چەندین دەبە و قوتوی دەرمانی قڕکەر و رشاندنی رەز و باخی لێ بووە، کە دەکرێت ئەو دەرمانە، کە ماددەی کیمیاوی تێدایە، تێکەڵی ئاوەکە بووبێت و بەهۆیەوە ماسییەکان مردبن.

964 بەدواداچونی بۆ بابەتەکە کرد و رەزا ئەحمەد، بەڕێوەبەری ناحیەی باسرمە، بۆ 964 وتی، ئێمە ئاگاداری ئەو بابەتە نەبووین لە رێگای ئێوە پێمان زانیوە، بەیانی بەدواداچون بۆ هۆکاری مردنی ئەو ماسییانە دەکەین، هەر کەسێک تاوانبار بێت سزای یاسایی خۆی وەردەگرێت.

پێداچوونەوە: ئەرسەلان عەبدوڵا

خاوەن ئاژەڵەکانی باسرمە ئاگادار دەکرێنەوە