964+

دەشتی عارف ـ هەولێر

لەشاری هەولێر ڤیستیڤاڵی رەمەزان کرایەوە و  تا دوای جەژن بەردەوام دەبێت و لە دوایی بانگی مەغریب دەکرێتەوە تاوەکو پارشێو بەردەوام کراوەیە.

محمد فارس، کاسبکارە و کۆشکی جلوبەرگی دانەوە لە فێستیڤاڵەکە بەجل و بە 964ـی وت، خەڵک لێرە هەموو شتێک دەکرێت بۆیە منیش بڕیارمدا بە جل و بەرگ بەژداربم و جلەکانیشم هەرزان کردووە”.

عەبدولسەلام سەلوان، کاسبکار، بە خواردنی کۆری و تورکی بەژدارە و دەڵێت، خەڵکی زۆر بۆ تاقیکردنەوەی خواردنەکان دێن و زۆریان بەلاوە خۆشە و بەزۆریش ئەوانەی دێن لە نەتەوەی عەرەبن”.

فێستیڤاڵەکە لەلایەن شارەوانییەوە سەرپەرشتی دەکرێت و بەهۆی ئەو فێستیڤاڵەکەوە لەدوایی بانگی مەغریبەوە شەقامی بەردەم قەڵای هەولێر بەرووی شۆفێران دادەخرێت و تەنیا پیادە دەتوانێت هاتوچۆ بەوێیدا بکات.

پێداچوونەوە: توانا نەقی

سەرۆکایەتیی شارەوانیی هەولێر فێستیڤاڵی رەمەزان رێكدەخات

964+

وریا فەتاح

وتەبێژى کۆمیسیۆنى باڵاى هەڵبژاردنەکانى عێراق دەڵێت، بۆ هەڵبژاردنى پەرلەمان 29 ملیۆن عێراقى مافى دەنگدانیان هەیە، گۆڕین و گواستنەوەى تۆمارى دەنگدەران لە پارێزگایەکەوە بۆ پارێزگایەکى دیکە رێگەپێدراوە، جگە لە کەرکوک و نەینەوا و ئەنبار و سەڵاحەدین.

جومانە غەلاى، وتەبێژى کۆمیسیۆنى باڵاى هەڵبژاردنەکانى عێراق، لە کۆنگرەیەکى رۆژنامەوانیدا، ئامادەکارییەکانى کۆمیسیۆنى بۆ هەڵبژاردنى پەرلەمان خستەڕوو و رایگەیاند: لە دوێنێوە دەستکراوە بە نوێکردنەوەى تۆمارى دەنگدەران و 1070 بنکە بۆ ئەو بابەتە ئامادەن.

باسى لەوەشکرد، بۆ نۆێکردنەوەى تۆمارى دەنگدەران ئەوانەى پێشتر ناویان تۆمار نەکراوە یان لە دایکبووى ساڵى 2007ن، دەتوانن سەردانى نزیکترین بنکە بکەن بۆ وەرگرتنەوەى کارتەکانیان. بەڵام لە دایکبوانى 2007، مەرجە کارتى نیشتمانیان دەرهێنابێت بۆ ئەوەى کارەکانیان بۆ رایى بکرێت.

لەبارەى گۆڕینى تۆمارى دەنگدەران لە پارێزگایەکەوە بۆ پارێزگایەکى تر، وتەبێژى کۆمیسیۆن وتى،”تەنیا کۆڕین بۆ هەریەک لە پارێزگاکانى کەرکوک، نەینەوا، ئەنبار، سەڵاحەدین، رێگەپێدراو نییە، بەڵام بۆ پارێزگاکانى دیکە و ناوخۆى پارێزگاکان رێگەپێدراوە”.

گوتەبێژەکەی کۆمیسیۆن دەڵێت، “زیاتر لە 29 ملیۆن هاووڵاتی دەتوانن لە هەڵبژاردنی پەرلەمانی عێراقدا دەنگ بدەن.” لەبارەی ئاوارەکانی شنگالیشەوە گوتی، دەتوانن لە کەمپەکان و دەرەوەی کەمپەکانیش زانیارییەکانیان نوێ بکەنەوە”.

زیاتر دێت…