ئەو ئۆتۆمبێلەی دەستی بەسەردا گیراوە.وێنە.پۆلیسی دارستان و ژینگەی سلێمانی
لە بانی خێڵانی دەربەندیخان
چوار هاوڵاتی بەتۆمەتی داربڕین دەستگیر کران
964+
توانا نەقی
پۆلیسی دارستان ئەمجارە بە هاوکاری ئاسایش چوار کەسیان لە سنووری دەربەندیخان دەستگیر کردووە کە داریان بڕیوە بە شێویەکی نایاسایی.
ئەمڕۆ پێنجشەممە، پۆلیسی دارستان و ژینگەی سلێمانی بڵاویکردەوە، بە هەماهەنگی لەگەڵ دەزگای ئاسایش بۆ رووبەڕووبونەوەی سەرپێچیکاران و پاراستنی سروشت و ژینگە لە لایەن کارمەندانی بازگەی ئاسایشی بانی خێڵان چوار هاوڵاتی دەستگیر کران.
دەشڵێت، ئەو هاوڵاتیانە داری سروشتییان بڕیەوە دەستیشیان گرتووە بەسەر دوو ئۆتۆمبێلی پیکاب و یەک چەکوش و ژمارەیەک داری بڕاوەدا.
تۆمەتبارەکان رادەستی بەشی پۆلیسی دارستان و ژینگەی قەرەداغ کراون و پەڕاوی لێکۆڵینەوەیان بۆ کراوەتەوە.
