دیمەنێکی گوندی سەکران لە ئیدارەی سەربەخۆی سۆران - وێنە: فەرمانگەی میدیا و زانیاری هەرێم
خۆر دەرکەوتەوە و سەرماکەی دەشکێنێت
بەفر و باران کۆتاییهات و کەشەکە ئاسایی دەبێتەوە
964+
شۆڕش قادری
وردە وردە کەشوهەوای کوردستان ئاسایی دەبێتەوە و سەرماکەی دەشکێنێت، پلەی گەرما لە زۆربەی ناوچەکان بەرزدەبێتەوە.
بەپێی پێشبینییەکانی کەشناسی، ئەمڕۆ چوارشەممە 26.2.2025 ئاسمان ساماڵ و پەڵە هەور دەبێت و پلەی گەرماش یەک بۆ دوو پلە بەراورد بە تۆمارکراوەکانی دوێنێ بەرزتر دەبێتەوە.
سبەی پێنجشەممەش، کەشوهەوا گۆڕانکارییەکی ئەوتۆ بەخۆیەوە نابینێ، تەنها لە کاتەکانى ئێوارەدا ئاسمان دەگۆڕێت بۆ نیمچە هەور و پلەی گەرماش دوو پلەی دیکە بەرزدەبێتەوە.
کەشناسی راشیگەیاندووە، شەوی رابردوو پێنجوێن ساردترین ناوچەی کوردستان بووە بە پلەی گەرمی 12- و دووزخورماتوش گەرمترین بە پلەی گەرمای 2.
بەرزترین پلەکانی گەرمای پێشبینیکراو بە پلەی سیلیزی:
هەولێر: 10 پلەی سیلیزی
سلێمانی: 8 پلەی سلیزی
دهۆک: 9 پلەی سیلیزی
کەرکوک: 11 پلەی سیلیزی
زاخۆ: 9 پلەی سیلیزی
هەڵەبجە: 8 پلەى سیلیزى
حاجی ئۆمەران: 3- پلەی سیلیزی
سۆران: 7 پلەی سیلیزی
گەرمیان: 13 پلەی سیلیزی
بەفر و بارانبارین دەستپێدەکاتەوە و سەرماوسۆڵەشی لەگەڵە
