خاوەن کۆمپانیاکانی گواستنەوە سەردانی بەڕێوەبەرایەتی حەج و عومرە بکەن

964+

شۆڕش قادری

خاوەن کۆمپانیاکانی گواستنەوە تازووە سەردانی بەڕێوەبەرایەتی گشتی حەج و عومرەی کوردستان بکەن و تەندەر بۆ گواستنەوەی نەفەر و کەلوپەل وەربگرن.

‎به‌رێوه‌به‌رایه‌تی گشتی حه‌ج و عومره‌ی هه‌رێمی كوردستان لە ئاگادارییەکدا داوا لە خاوەن كۆمپانیاكانی گواستنه‌وه و پاس و بارهەڵگر ده‌كات‌، بە پێی رێنمایی ژمارە 2ـی ساڵی 2016 رێنمایی جێبەجێکردنی گرێبەستکردنە گشتییەکان، لەمڕۆ چوارشەممەوە 26.2.2025 سەردانی به‌شی یاسایی به‌رێوه‌به‌رایه‌تییەکە بكه‌ن، به‌مه‌به‌ستی وه‌رگرتنی ته‌نده‌ری گواستنه‌وه‌ی حاجیانی  كوردستان له‌ پارێزگا و ئیداره‌ سه‌ربه‌خۆکان و شار و شاروچكه‌كان بۆ هه‌ردوو فڕۆكه‌خانه‌ی نێوده‌وڵه‌تی هەولێر و سلێمانی و به‌ پێچه‌وانه‌شه‌وه.

هەروەک خاوەن کۆمپانیاکانی گواستنەوەی کەلوپەلیش کە دەتوانن کەلوپەلی حاجیان لە شاری مەکەوە بگوازنەوەی کوردستان، ئێوەش بڕۆن تەندەر وەربگرن.

دواکات بۆ وەرگرتنی تەندەر رۆژی دووشەممە 17.3.2025ـە بۆیە تازووە خۆتان بگەیەنن و تەندەرەکە وەربگرن.

به‌پێی داتا فه‌رمییه‌كان كه‌ له‌ به‌ڕێوه‌به‌رایه‌تى گشتى حه‌ج و عومره‌ى هه‌رێم هه‌یه‌ بۆ وەرزی نوێی حەجى ئه‌مساڵ، پێنج هەزار و 120 کەس له‌ هه‌رێمى كوردستانه‌وه‌ سه‌ردانى سعودیه‌ ده‌كه‌ن، دیاریكردنى ئەم ژمارەیە بۆ هه‌رێمی كوردستان، بەگوێرەی رێنماییەکانی ئه‌م وڵاته‌ رێکخراوە کە بۆ هەر ملیۆن کەس، هەزار کەس دیاریکراوە.

ژمارەیەک لەوانەى ناویان بۆ حەج هاتووەتەوە لە لیژنە دەرنەچوون

ماوەی گرێبەستی کۆمپانیاکانى حەج و عومرە درێژکرایەوە