شەفافیەت؛ یەک هەفتەی رابردوو داهاتمان نزیکەی شەش ملیارێک بووە

964+

ئەحمەد مستەفا

بەپێی ئەو داهاتە بێت، کە ماڵپەڕی شەفافیەت تۆماری کردووە، داهاتی نانەوتی 15.2.2025 بۆ 21.2.2025ی سلێمانی، هەڵەبجە، گەرمیان و راپەڕین، پێنج ملیار و 984 ملیۆن و 815 هەزار و 115 دینار بووە.

ئەو داهاتە، ماوەی یەک هەفتەی رابردووە و 81% ی داهاتەكە بەشێوەی نەختینە بووە.

پێگەی شەفافیەت بۆ چاودێری و رێكخستنی داهاتە نانەوتییەكان ئاشکرای کردووە، بڕی پێنج  ملیار و 984 ملیۆن و 815 هەزار و 115 دینار بووە، كە 81% ی داهاتەكە بەشێوەی نەختینەیە و 19%ی داهاتەكە بەشێوەی چەكە و ئەوەی دەمێنێتەوە بەشێوەی مقاسەیە.

ئەوە لە کاتێکدا، كۆی گشتیی داهاتی هەفتەی پێشووتری سلێمانی، هەڵەبجە و گەرمیان و راپەڕین، چوار ملیار و 266 ملیۆن و 241 هەزار و 225 دینار بوو، کە زیاتر لە پێنج ملیار دینار بەراورد بە هەفتەی پێشووتر بڕی داهاتەکەی کەمی کردبوو.

ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.

دارایی عێراق بە گوژمە داهاتە ناوخۆییەکەی هەرێمی کوردستان رازی نییە