بەراتى هى ئێزدییەکانە
ئەمشەو شەوى بەراتە شەوى خۆشى و خەڵاتە
964+
دیلان محەمەد جەزا- سلێمانى
ئەمشەو شەوى بەراتە، لە سلێمانى منداڵان کۆدەبنەوە شیرینى و چوکلێت و پارە وەردەگرن.
محەمەد مەردان، سەرۆکى کۆمەڵەى کەلەپوورى کورد، لەبارەى شەوى بەراتەوە قسەى بۆ 964 کرد و باسى لەوەکرد، بەرات یەعنى موچە یان بەخشین، مێژووەکەى دەگەڕێتەوە بۆ 7500 ساڵ لەمەوبەر و بۆ سەردەمى میترانییەکان.
بە وتەى محەمەد مەردان، سلێمانى لە دروستبوونییەوە شارێکى خۆکردى کوردى بووە، بۆیە کوردى شوێنەکانى دیکە لە سلێمانى کۆبوونەتەوە و دابونەریتى خۆیان بۆ شارەکە هێناوە، بەراتیش یەکێک لەو شتانە بووە.
بەرات لە بنەمادا ناوێکى ئێزدییە و ئەوان له خوڵ “گڵ”ـى ناو پهرستگاى لالش و ئاوى “كانى سپی” ناو لالش و ماست، ئەم سێ مادهیەش بهیهكهوه ههوێن و تێكهڵ دهكرێن و بەراتى لێ دروست دەکرێت کە لەشێوەى هەڵماتێکى خڕە و لاى ئێزدییەکان پیرۆزە.
پێداچوونەوە: وریا فەتاح
