دیمەنێکی کاتی بەسەرکردنەوەی شوێنکارێک لەلایەن لیژنەکەوە... وێنە؛ چاودێری بازرگانی هەولێر.
"رۆژ نییه چه‌ند كه‌سێك سزا نه‌درێن"
له هه‌ولێر چاودێری وردى شوێنكاره‌كان ده‌كرێت بۆ هه‌ڵواسینى نرخ
964+
فه‌رهاد حه‌سه‌ن
لیژنه‌كانى چاودێری بازرگانى به‌رده‌وام شوێنكاره‌كانى ناو بازاڕ و شوێنه گشتییه‌كان به‌سه‌رده‌كه‌نه‌وه و چاودێری نرخى پێداویستییه‌كان و هه‌ڵواسینى نرخه‌كان ده‌كه‌ن، به‌ڕێوه‌به‌رى چاودێریش ده‌ڵێت، رۆژ نییه چه‌ند كه‌سێك سزا نه‌درێن.
هۆگر عه‌لی، بەرێوەبەری چاودێری بازرگانی هەولێر، به 964ـى راگه‌یاند، لیژنەیەکیان پێکهێناوه لەگەل پۆلیسی شارەوانی بە مەبەستی گەڕان و پشکنین و رێگریکردن لە گرانبوونی نرخی کاڵاکان لە شاری هەولێر.
وتیشی “چاودێری به‌رده‌واممان له‌رێگه‌ى ئه‌م لیژنه‌یه‌وه بۆ نرخه‌كانه و به شوێنكاره‌كانیش راگه‌یندراوه كه پێویسته نرخى هه‌موو كاڵا و پێداویستییه‌كانیان هه‌ڵبواسن”.
لیژنه‌كه به ته‌نیا سزاى سه‌رپێچیكاره‌كان نادات، به‌ڵكو ئه‌وانه‌ى كه پابه‌ندى رێنماییه‌كانن ده‌ستخۆشی و سوپاسیان پێشكه‌ش ده‌كات، هۆگر عه‌لى ده‌ڵێت “سزامان بۆ گرانكردنى نرخ و هه‌ڵنه‌واسینى نرخه‌كان ئه‌وه‌یه كه یه‌كه‌مجار سزاى پێبژاردنیان بۆ ده‌كه‌ین به‌ڵام ئه‌گه‌ر هه‌ر به‌رده‌وام پابه‌ند نه‌بوون ناچارین ئه‌و شوێنانه دابخه‌ین”.
ناو بازاڕی هەولێر و پردی سەیداوە رێكخرانەوە
چاودێریی بازرگانی سۆران ژمارە و بارکۆدى تایبه‌ت له دوكانه‌كان هه‌ڵده‌واسێت
