دیمهنێكی كۆبوونه‌وه‌كه‌ى ئه‌نجومه‌نى شاره‌وانى سلێمانى... وێنه: سۆشیاڵ میدیاى شاره‌وانى.
جۆرێک ریکلامکردنی قه‌ده‌غه كرد
ئه‌نجومه‌نى شاره‌وانى سلێمانى كارى ریكلامكردنى له‌شاره‌كه رێكخسته‌وه
964+
فه‌رهاد حه‌سه‌ن
شاره‌وانی سلێمانی له رێگه‌ى ئه‌نجومه‌نه‌كه‌یه‌وه، ژماره‌یه‌ك بڕیاری ده‌ركرد، یه‌كێك له‌وانه قه‌ده‌غه‌كردنى ریكلامه له‌سه‌ر بینا بازرگانییه‌كان و خانووى نیشته‌جێبوونى ئەو هاوڵاتیانەی حەزناکەن لەسەر بیناکانیان هەبێت.
بابه‌تى رێكخستنه‌وه و جوانكردنی ریكلام له شوێنه گشتییه‌كاندا بابه‌تێكی سه‌ره‌كى كۆبوونه‌وه‌كه‌ى ئه‌نجومه‌ن بوو كه دوێنێ چوارشه‌ممه به‌ڕێوه‌چوو.
به‌پێی راگه‌یه‌ندراوێك، لابردنی یان قه‌ده‌غه‌كردنی ریكلام له‌سه‌ر بینا بازرگانییه‌كان و خانوی نیشته‌جێبوون به‌پێی یاساو رێنماییه‌كان، هه‌روه‌ها ره‌نگ و شێوه و قه‌باره‌ی ریكلامه‌كان، بڕیاری پێویستی له‌باره‌وه‌درا.
زره‌ده‌شت ره‌فیق، وته‌بێژى شاره‌وانى سلێمانى به 964ـى راگه‌یاند، ئه‌م قه‌ده‌غه‌كردنه له‌سه‌ر داواى هاوڵاتیان بووه و له‌وانه‌یه بڕیارێكی گشتگیر نه‌بێت بۆ ته‌واوى شاره‌كه.
وتیشی “به‌شێك له هاوڵاتیان حه‌زناكه‌ن ریكلام له‌سه‌ر خانوو و بیناكانیان بێت بۆیه داواكاریان پێشكه‌شی شاره‌وانى كردووه و ئه‌وانیش بڕیاری پێویستیان له‌باره‌وه داوه”.
شاره‌وانیی هه‌ولێر ریكلام و نووسراوی سه‌ر دیواره‌كان ده‌سڕێته‌وه
له كه‌لار بۆ تابلۆیه‌كی ریكلام چه‌ند دارێك له‌ناوده‌برێن
