هەڵەبجەى تازە

 13 ئەفغانى و پاکستانى و فلیپینى دەستگیرکران

964+

بڕوا مەجید_شارەزوور

یاریدەدەرێتی ئاسایشی هەڵەبجەی تازە، 13 هاوڵاتى ئەفغانى و پاکستانى و فلیپینى دەستگیرکرد کە لە هەوڵدابوون بە شێوەیەکى نایاسایى بەرەو خوارووى عێراق بڕۆن.

نەوزاد سەعید، بەڕێوبەری یاریدەرێتی ئاسایشی شارەزوور، بە 964ـى وت،” ئەمڕۆ لەسەر رێگای قەزای شارەزوور بۆ دەربەندیخان و نزیک گوندی میرەدێ، لەژێر پردێکی پەڕینەوە 13 کەسى ئەفغانی و پاکستانی و فلیپینیمان دەستگیرکرد”.

وەک باسى دەکات، ئەو کەسانە بەشێوەیەکى نایاسایى لە ئێرانەوە هاتوونەتە هەرێمى و ویستویانە بەرەو ناوچەکانى خوارووى عێراق بڕۆن.

ناوە ناوە لە هەرێمى کوردستان، خەڵکانى ئەفغانى و پاکستانى و فلیپینى و چەند وڵاتێکى دیکە دەستگیر دەکرێن کە خاکى هەرێم کوردستان بۆ پەڕینەوە بۆ تورکیا بەکاردەهێنن.

پێداچوونەوە: وریا فەتاح

نۆ گەنجى ئەفغانى لە مزگەوتێکی کەرکوک دەستگیرکران

نۆ گەنجى ئەفغانى لە مزگەوتێکی کەرکوک دەستگیرکران