یەکەم کاروانی نەوتی سپی عێراق گەیشتە سلێمانی - وێنە: وەزارەتی سامانە سروشتییەکانی هەرێم
هەولێر و سۆران و دهۆک وەریانگرتووە
یەکەم کاروانی نەوتی سپی عێراق گەیشتە سلێمانی
964+
شۆڕش قادری
یەکەم کاروانی نەوتی سپی لە وەزارەتی نەوتی عێراقەوە گەیشتە پاریزگای سلێمانی و پێشتر چەند کاروانێک گەیشتووەتە پارێزگاکانی هەولێر و دهۆک.
بەپێی راگەیەنراوێکی وەزارەتی سامانە سروشتییەکانی حکومەتی هەرێمی کوردستان، ئەمڕۆ چوارشەممە 22.1.2025 یەکەمی کاروانی نەوتی سپی لە وەزارەتی نەوتی عێراقی فیدڕاڵەوە گەیشتووەتە پاریزگای سلێمانی.
بۆ هەر خێزانێک 100 لیتر نەوت دەدرێت و نرخەکەشی بەهۆی ئەوەی پاڵپشتی دەکرێت، بە 30 هەزار دینارە.
وەزارەتی سامانە سروشتییەکان دەڵێت، وەزارەتی نەوتی عێراقی فیدڕاڵ تەنیا رەزامەندیی لەسەر (19%)ـی پشکی هەرێم لە نەوتی سپی داوە.
رۆژی پێنجشەممە 16.1.2025، کاروانی یەکەمی نەوتی سپی لە وەزارەتی نەوتی عێراقی فیدڕاڵەوە گەیشتە پاریزگای هەولێر و دواتر گەیشتە ئیدارەی سۆران و پارێزگای دهۆک و بەسەر هاوڵاتیاندا دابەش کرا.
سبەی یەکەم وەجبەی نەوتە تازەکەی عێراق لە سۆران دابەش دەکرێت
حکومەتی عێراق بڕیاریدا نەوتی سپی بە هەرزانتر بۆ هەرێم دابین بکات
