کەسێکی دیکەش برینداربوو
لە رووداوێکی هاتوچۆدا لە هەولێر دوو برا گیانیان لەدەستدا
964+
دەشتی عارف ـ هەولێر
سەر لەبەیانی ئەمڕۆ بەهۆی رووداوێکی هاتوچۆوە لەسەر رێگای سێبیران – هەولێر، دوو هاوڵاتی سوری گیانیان لەدەستدا وکەسێکی دیکەش بریندار بوو.
مستەفا خدر، کە دانیشتووی گەڕەکی سێبیرانە و شایەدحاڵە لە شوێنی رووداوەکە بە964ـی وت، “بەیانی کاتژمێر 7:30 خولەک لەسەر رێگەی سێبیران – هەولێر رووداوێکی هاتوچۆ لە نێوان ماتۆرسکیلێکی سێ تایە و بارهەڵگرێک روویدا و لە ئەنجامدا هەر دوو سەرنشینی ماتۆرەکە گیانیان لەدەستداوە کە برای یەکترن و سورین، شۆفێری بارهەڵگرەکەش بریندار بووە و رەوانەی نەخۆشخانە کراوە”.
کاروانی خۆشناو، وتەبێژی پێشوتری پۆلیسی هەولێر، لە لاپەڕەی تایبەتی خۆی لە فەیسبوک هەواڵەکەی داناوە و دەڵێت، “رووداوەکەی بەیانی ئەمڕۆ لەسەر رێگای سێبیران – هەولێر، لەنێوان ماتۆڕسکیلێکی سێ تایە و بارهەڵگرێک روویداوە و بەداخەوە دوو کەس کە بران و یەکێکیان شوفێری ماتۆرسکیلەکە بووە گیانیان لەدەستدا .”
پێداچوونەوە: ژێوار خدر
