فەرمانبەرانی میلاکی گەرمیان دەتوانن لە کۆریای باشوور بخوێنن

964+

ژێوار خدر

ئاژانسێک دەرفەتی خوێندنی ماستەر و دکتۆرا بۆ فەرمانبەرانی میلاکی تەندروستی گەرمیان لە وڵاتی کۆریای باشوور دەڕەخسێنێت.

بەڕێوەبەرایەتیی گشتی تەندروستی گەرمیان، ئەمڕۆ سێشەممە 21.1.2025 بڵاویکردەوە، ئەو فەرمانبەرانەی کە میلاکن و بەشێوەی هەمیشەیی دامەزراون لە لە تەندروستی گەرمیان، لەلایەن ئاژانسی کۆیکاوە دەرفەتی خوێندنی باڵا لە وڵاتی کۆریای باشوور بۆ ئاستەکانی ماستەر و دکتۆرا دەستەبەرکراوە.

دەشڵێت، سەرجەم تێچووی خوێندنەکە لەسەر ئاژانسەکەیە و هەموو فەرمانبەرانی میلاکی تەندروستی، کارگێڕی، ئەندازیاریی و ئایتی دەگرێتەوە.

روونیشیکردووەتەوە، بوارەکانی خوێندنەکە جۆراوجۆرن و  تەندروستی گشتی و کارگێڕیی و ئایتی و سەرچاوەکانی ئاو دەگرێتەوە و هەر فەرمانبەرێک خوازیاری پێشکەشکردنە، پێویستە سەردانی ئیدارەی فەرمانگە تەندروستییەکەی بکات بۆ وەرگرتنی زانیاری تەواو و هەروەها مەرج و رێنماییەکان و تۆمارکردنی ناوی لەماوەی هەفتەیەکدا و دوامۆڵەتیش بۆ گەڕانەوەی ناوەکان 25.1.2025ە.

دەرفەتی خوێندن هەیە بۆ میلاکاتی تەندروستی گەرمیان