لۆگۆی وەزارەتی کارەبا - 964
ئێستا 3750 مێگاوات کارەبا بەرهەمدێت
دۆخى کارەبا ئاسایى بووەوە
964+
وریا فەتاح
وەزارەتى کارەبا، ئاسایى بوونەوەى دۆخى کارەبایى راگەیاند و دەڵێت، ئێستا 3750 مێگاوات کارەبا بەرهەمدێت.
لە راگەیەنراوێکدا، وەزارەتى کارەباى هەرێم بڵاوى کردەوە، لە کاتژمێر 08:00ـى بەیانیی ئەمڕۆوە، پەستانی غاز بۆ ویستگەکانی غازی بەرهەمهێنانی کارەبا ئاسایی بووەوە.
دەشڵێت: کۆمپانیای دانەغاز چاکسازییەکانی لە کێڵگەی کۆڕمۆڕ تەواو کرد و ئاستی بەرهەمهێنانی کارەبا ئاسایی بووەوە و ئێستا 3750 مێگاوات کارەبا بەرهەم دێت.
چەند رۆژێکە کارەبای نیشتمانی لە ناوچەکانی هەرێمی کوردستان کەم بووەتەوە و وەزارەتی کارەباش شەوى رابردوو لە راگەیەنراوێکدا بڵاوى کردەوە کە لە چوارچێوەی پەرەپێدانی كێڵگەی كۆرمۆر بۆ بەرهەمهێنانی غاز، بۆ ماوەی 10 كاتژمێر پەستانی غاز كەمبووەتەوە و بەهۆیەوە 750 مێگاوات كارەبا كەم ببۆوە.
