نوری مالیكی داوەتی كوردستان دەكرێت و ئەویش ئامادەیە

964+

ئەرسەلان عەبدوڵا

سەرۆكی هەرێمی كوردستان نێچیرڤان بارزانی داوەتی نوری مالیكی، سەرۆكی هاوپەیمانی دەوڵەتی یاسا دەكات سەردانی كوردستان بكات، ئەویش بە خۆشحاڵییەوە قبوڵی كردووە.

نووسینگەی مالیكی لە راگەیاندراوێكدا ئەمڕۆ دووشەممە 13.1.2025 ئاماژەی بەوەدا، لە لایەن سەرۆكی هەرێمی كوردستان نێچیرڤان بارزانییەوە داوەتی نوری مالیكیی كراوە سەردانی هەرێمی كوردستان بكات، ئەویش بە خۆشحاڵییەوە قبوڵی كردووە.

راگەیاندراوەكە دەڵێت، نوری مالیكی بەهیوایە سەردانەكەی ببێتە هۆی بەهێزكردنی پەیوەندییەكانی نێوان هەردوولا و لەیەكگەیشتن بێتەئاراوە.

ئەو داوەتنامەیە دوای ئەوە دێت، ئەمڕۆ سەرۆكی هەرێم لە بەغدا سەردانی مالیكی كردووە لە نووسینگەكەی خۆیدا و گفتوگۆیان لە بارەی كۆمەڵێك بابەتی پەیوەست بە بارودۆخی عێراق و هەرێم و ناوچەكە كردووە.

سەرۆكی هەرێم لە دوێنوە لە بەغدایە و چەندین دیدار و كۆبوونەوەی ئەنجامداوە، لەوانەش لەگەڵ سەرۆك وەزیرانی عێراق محەمەد شیاع سودانی و سەرۆكی دادگای فیدراڵی جاسم ئەلعمێری.

سەرۆكی هەرێمی كوردستان و سەرۆك وەزیرانی عێراق كۆبوونەوە