"له‌ناو گۆشتفرۆشه‌كان ململانێی هه‌رزانیم دروستكردووه"
گۆشتفرۆشێكى ته‌قته‌ق نرخى كیلۆى گۆشتى زیاتر له 3000 دینار هه‌رزانتر كرد
964+
فه‌رهاد حه‌سه‌ن
له ته‌قته‌ق گۆشتفرۆشێكی لێیه نرخى كیلۆى گۆشت له‌چاو بازاڕى گۆشتفرۆشان زیاتر له سێ هه‌زار دینار كه‌متر ده‌فرشێت و خاوه‌نه‌كه‌شی ده‌ڵێت، به‌رده‌وام ده‌بم له‌و هه‌رزانییه.
كیلۆى گۆشتى نه‌رمه‌ى گوێره‌كه له 18 هه‌زاره‌وه كردوویه‌تی به 15 هه‌زار و له ئه‌مڕۆشه‌وه كردوویه‌تییه 13 هه‌زار، گۆشتی کار و بەرخى له 20 و 21 هه‌زاره‌وه كردووه‌ته 16 هه‌زار و په‌راسووشی له 14 هه‌زاره‌وه كردووه‌ته 11 هه‌زار.
زیره‌ك عه‌بدولخالق مسته‌فا، خاوه‌نى گۆشتفرۆشی زیره‌كه، به 964ـى وت، هه‌موو ئه‌و ئاژه‌ڵانه‌ى سه‌ریان ده‌بڕین خۆماڵین، شه‌ریكێكی هه‌یه به‌خێویان ده‌كات و له دوكانه‌كه‌یان ده‌یكه‌نه گۆشت و ده‌یفرۆشن.
وتیشی “ئه‌و قازانجه‌ى ئێمه ده‌یكه‌ین كه‌مه، به‌ڵام قازانجێكی به‌رده‌وام و خێراشه بۆیه بڕیارمان وایه به‌رده‌وام بین”.
سه‌ره‌تا، گۆشتفرۆشه‌كانى ناو ته‌قته‌ق ناڕازیی بوون، به‌ڵام به‌قسه‌ى ئه‌م گۆشتفرۆشه ئێستا ئه‌وانیش ورده‌ورده نرخه‌كه‌ى هه‌رزان ده‌كه‌ن و ده‌شڵێت “گۆشتفرۆش هه‌یه نرخى كیلۆى گۆشت هه‌زار دینار هه‌رزانتر له ئێمه ده‌یفرۆشێت، به‌ڵام گۆشته‌كه‌ى ئه‌و جوانه‌گاى هیندى و به‌رازیلییه”.
گۆشتفرۆشێكی سلێمانی نرخی گۆشتی خۆماڵى کرد بە 10 هەزار دینار
گۆشتفرۆشێک لە شارەزوور سێ هەزار دینار نرخی دابەزاند
