سەرما و بەفر و بارانەکە هات

لە شارەکان باران و لە ناوچە شاخاوییەکانیش بەفر دەبێت

964+

ژێوار خدر

ئەم دوو رۆژە خۆتان ئامادە بکەن و جلوبەرگی گەرم بپۆشن، شەپۆلێکی سەرما و بەفر و باران هاتووە و تا سبەی ئێوارەش بەردەوام دەبێت.

کەشناسی هەرێم پێشبینی کەشوهەوای ئەم دوو رۆژەی بڵاوکردووەتەوە دەڵێت، ئەمڕۆ هەینی 27.12.2024  ئاسمان هەورى تەواو دەبێت و  سەرەتا نمە باران و بارانى مامناوەند لە سنورى پاریزگاى دهۆک و ئیدارەى سەربەخۆى سۆران دەبارێت،  لەدوای نیوەڕۆش بەدواوە تەواوی ناوچەکانی هەرێمی کوردستان دەگرێتەوە، جگە لەوەی بارانەکە هەورە تریشقەشی لەگەڵ دەبێت، بەفر بارینیش لە ناوچە شاخاوییە بەرزەکان و ناوچە سنووریەکان دەستپێدەکات و لە شەویشدا رێژەی دابارین زیاد دەکات و و هەندێک جار دەگۆڕێت بۆ لێزمە باران و پلەکانی گەرماش یەک بۆ سێ پلە دادەبەزن بەراورد بە دوێنێ.

دەشڵێت، سبەی شەممە، ئاسمان هەوری تەواو دەبێت و لە کاتەکانی بەیانیدا لە بەشێک لە ناوچەکان، نمە باران دەبارێت و لە ناوچە شاخاویەکانیش بە پچڕی پچڕی بارانی مامناوەند دەبارێت و لە کاتەکانی دوای نیوەڕۆ کۆتایی بەم شەپۆلە باران بارینە دێت و پلەکانی گەرماش یەک بۆ سێ پلە زیاتر دادەبەزن بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :

هەولێر : 12 پلەى سیلیزى

سلێمانی : 14 پلەى سیلیزى

دهۆک : 16 پلەى سیلیزى

کەرکوک : 18پلەى سیلیزى

هەڵەبجە : 13 پلەى سیلیزى

زاخۆ : 15 پلەى سیلیزى

حاجی ئۆمەران : 7 پلەى سیلیزى

سۆران : 11 پلەى سیلیزى

گەرمیان : 18 پلەى سیلیزى

بەفر و بارانێکی باش بەرەو کوردستان بەڕێوەیە

بەفر و بارانێکی باش بەرەو کوردستان بەڕێوەیە