زۆری نەماوە دوکاندارانی قەیسەری بچنەوە دوکانەکانیان 

964+

توانا نەقی

نۆژەنکردنەوەی بازاڕی قەیسەری هەولێر دوای سووتانەکەی بەردەوامە و لە قۆناغی کۆتاییدایە، بە قسەی پارێزگای هەولێر زۆری نەماوە دوکانداران بچنەوە ناو دوکانەکانیان.

ئەمڕۆ پێنجشەممە، پارێزگای هەولێر بڵاویکردەوە، بە تێچووی پێنج ملیار و 300 ملیۆن دینار لە سەر بودجەی پارێزگای هەولێر، کارەکردن لە نۆژەنکردنەوەی بازاڕی قەیسەریی هەولێر بەردەوامە.

دەشڵێت، کارەکان لە قۆناغی کۆتاییدایە و لە نزیکترین کاتدا بازاڕەکە بە رووی هاوڵاتیاندا دەکرێتەوە و کاسبکارانیش دەست بە کار و کەسابەتی خۆیان دەکەنەوە.

شەوى 5.5.2024، بازاڕى قەیسەریی هەولێر ئاگرى گرت و بەهۆیەوە 227 دوکان و حەوت کۆگا سووتان و زیانێکى زۆرى مادى لێکەوتەوە.

تا ئێستا چەند جارێك دوكاندارانی بازاڕەكە گردبوونەتەوە و داوای زوو چاككردنەوەی بازاڕەكە و هەروەها قەرەبوویان كردووە.

زیانلیکەوتووانی بازاڕی قەیسەریی هەولێر قەرەبوو کرانەوە