دیمەنێکی كۆتا رۆژەكانی پاییز لە گەلی كولیتا لە قەزای مێرگەسۆری پارێزگای هەولێر - وێنە: فەرمانگەی میدیا و زانیاری
خەبەرێک لە بەفر و باران نییە
پلەی گەرما بەرزدەبێتەوە و کەشەکە سەقامگیر دەبێت
964+
شۆڕش قادری
پلەی گەرما بەرزدەبێتەوە و ئەم دوو رۆژە کەشەکە گونجاو و سەقامگیر دەبێت و بەتەمای باران و بەفر مەبن.
بەپێی پێشبینییەکانی کەشناسی ئەمڕۆ چوارشەممە 25.12.2024 ئاسمان بە گشتیی ساماڵ دەبێت و تەنها لە ناوچەکانی سنوورى پارێزگاى دهۆک ئاسمان نیمچە هەور دەبێت، پلەی گەرماش بەراورد بە دوێنێ کەمێک بەرزدەبێتەوە.
سبەی پێنجشەممەش، ئاسمان نیمچە هەور دەبێت و هەندێک کات دەگۆرێت بۆ هەوری تەواو و خێرایی با لەسەرخۆ و مامناوەند دەبێت.
بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ :
هەولێر: 17 پلەی سیلیزی
سلێمانی: 16 پلەی سیلیزی
دهۆک: 16 پلەی سیلیزی
کەرکوک: 19 پلەی سیلیزی
هەڵەبجە: 15 پلەی سیلیزی
زاخۆ: 17 پلەی سیلیزی
حاجی ئۆمەران: 10 پلەی سیلیزی
سۆران: 11 پلەی سیلیزی
گەرمیان: 21 پلەی سیلیزی