ئاڵوگۆڕی بازرگانی لە مەرزی حاجی ئۆمەران بەردەوامە - وێنە: ماڵپەڕی دەروازەی نێودەوڵەتی حاجی ئۆمەران
بەرپرسانی باشماخ و حاجی ئۆمەران وەڵامی 964 دەدەنەوە
تا چەند بەفر و سەرما کاریگەری لەسەر ئاڵوگۆڕی بازرگانی مەرزەکان هەبووە؟
964+
شۆڕش قادری
بەفر و سەرماش نەیتوانیوە هاتوچۆی گەشتیاران و جموجۆڵی بازرگانی لە دەروازە سنورییەکانی کوردستان رابگرێت و هاوشێوەی مانگەکانی پێشوو بەردەوامە.
مەریوان کەریم بەرپرسی راگەیاندنی دەرەوازەی نێودەوڵەتی باشماخ بە 964ـی وت، “بەفربارین و سەرما کاریگەری لەسەر ئاڵوگۆڕی بازرگانی لە مەرزەکەمان نەبووە و وەک مانگەکانی پێشوو بەردەوامە”.
ئاماژەی بەوەشکرد، هاتوچۆی گەشتیارانیش بەردەوامە و هیچ گرفتێک لەوبارەیەوە دروست نەبووە.
هاوکات سیراون بارزانی وتەبێژی دەروازەی نێودەوڵەتی حاجی ئۆمەران بە 964ـی وت، “پێش ئەم شەپۆلە بەفربارین و سەرمایە تیمەکانمان ئامادەکاری تەواوەتیان کردبوو و هیچ گرفتێک لە هاتوچۆی بارهەڵگر و گەشتیاران دروست نەبووە”.
هاتوچۆی گەشتیاران لە مەرزی حاجی ئۆمەران ئاسایی بووەتەوە
بەستەڵەکی رێگای حاجی ئۆمەران بە ئاسانی ناتوێتەوە؛ بێ زنجیر هاتوچۆ مەکەن
بەستەڵەکی رێگای حاجی ئۆمەران بە ئاسانی ناتوێتەوە؛ بێ زنجیر هاتوچۆ مەکەن
