یو پی ئێنیان نەکردووە
گرفت لە موچەی خانەنشینانی سلێمانیدا دروست بووە
+964
دیلان محەمەد جەزا
خانەنشینان لە بەردەم بانکی مەڵکەندیی سلێمانی کۆبوونەتەوە و کێشەیان هەیە، بانکەکەش دەرگای خۆی داخستووە.
یەکێک لە خانەنشینەکان پێشتر کارمەندی وەزارەتی کشتوکاڵ بووە و بۆ 964 دەڵێت، ”دوای دوو سەعات و نیو سەرەگرتنو ئینجا ناردوومیانە بۆ بەشی بایۆمەتری و دەڵێن موچەکەت حیجزی لەسەرە، چونکە بایۆمەتریت نەکردووە”.
باسی لەوەش کرد کە دوای وەرگرتنی بەڵگەنامەیەک بۆ سەلماندنی بایۆمەترییەکەی بانكی مەڵکەندی دەرگاکەی داخستووە.
فەهیمە ئەحمەد خانەنشینە و پێشتر خزمەتی پێشمەرگەی کردووە لە شاخ و بە 964ی وت، لە کاتژمێر شەشی بەیانییەوە چووەتە بانک لەوێ پێیان وتوە موچەکەی راگیراوە، لەبەر ئەوەی یو پی ئێنیان نەکردووە.
وتیشی، بە قەرز گەیشتووەتە بەردەم بانکەکە و ئێستاش پارەی کرێی تەکسی بۆ گەڕانەوەی بۆ ماڵەوە پێ نییە.
964 پەیوەندی بە بەڕێوەبەری بانکی مەلكەندییەوە كرد، بەڵام دوای چەند هەوڵێكیش وەڵامی پەیوەندییەکەیانی نەدایەوە.
پێداچوونەوە – ژوولی عەدنان
مووچەی 900 ژنی کەمدەرامەت بڕدرا
